Nepal-in feul man sang zel vangin ni hnih chhung sorkar chawlh puan tum

Nepal sorkar chuan fuel man sang zel avangin, an fuel hman zat tihtlemna turin public sector office-te tan tun thla chhungin ni hnih chawlh puan a tum.

Nepal hian ramdang pawisa inthlengtawnna, foreign exchange lama harsatna an tawh avangin petroleum product man hi a sang chak hle a ni.

Central Bank of Nepal leh Nepal Oil Corporation-te chuan ni hnih chhung chawlh puang turin sorkar an ngen tih Cabinet thuchhuak chuan a sawi.

Russia-Ukraine ten thla khat chuang awh indona an kalpui tawh avangin Russia rama tuialhthei chu hralh chhuah theih lohin an hren sak a, hei vang hian khawvel huapin tuialhthei man chuan san lam a pan chak hle a ni. Oil siamchhuaktu tam pahnih dang, Iran leh Venezuela-te pawh petroleum hralh chhuah chungchangah hian khuahkhirhna siamsak an ni bawk.

Tourism aṭanga an sum lakluha innghat nasa tak, Nepal hi Covid hri leng vanga ram dang khualzinte hun rei tak an luh theih loh avangin foreign reserve lamah an tlahniam hman tawh hle a ni.