China tih tur leh tih loh tur tu-mahin an hrilh thei lo : Xi Jinping

Chan President Xi Jinping chuan China mipuite tih tur leh tih loh tur hrilh thei dinhmunah tumah an ding lo tih a sawi.

Beijing-a Great Hall of the People-a thu a sawiah, President Xi Jinping chuan he thu hi sawichhuakin, an ram economy siamṭhatna turin an thawk zel dawn tih a sawi a, hemirual hian an kalphung thlak danglam an tum loh thu leh, eng ram hnen aṭang maha thupek an lak dawn loh thu a sawi bawk. A hminghmerhin sawilang lo mah se hei hi US a sawichhanna nia ngaih a ni.

Xi chuan an ram siamṭhat hna nasa zawka kalpui a tiam bawk. Xi-a president-na hnuaiah hian an ram economy siamṭhat hna hi kawng hrang hrangin kalpui a ni tawh a, mi rethei maktaduai tel chu an dinhmun aṭanga khaichhuah niin, China chu khawvela economy lian ber pahnihna dinhmunah a inhlangkai tawh a ni. China ram rural area-a poverty rate hi kum 40 kaltaa 97.5% chu nikum khan 3.1%-ah a tla thla tawh a ni.