Trump-an US Space Command dinna tur thupek siam

US President Donald Trump chuan Thawhlehni khan US Space Command dinna tur thupek a tichhuak.

President thupek angin Deparment of Defence chuan Space Command hi an din dawn a, he command hian van thengreng lama US sipaite hmalakna hrang hrang enpuiin thuneihna pawh pek a ni ang. Hei bakah hian space-a US thilte venhimna ṭha zawk siam dan turte a ngaihtuah bawk ang.

Kum tharah Space Command hruaitu turte hi ruat an ni dawn a, four-star general leh a deputy tur pawh dah tel a ni ang. He command hian a ṭhut hmunah Joint Functional Component Command for Space awmna, Colorado a hman rin a ni a, thutlukna erawh siam a la ni lo. Command thar siamna atan hian kum riat chhungin dollar maktaduia 800 vel a ngaih rin a ni a, a sum mamawh hi nakkum February thlaa fiscal year 2020 budget pharh turah pawh telh nghal a ni ang.