Pakistan activist hnenah UN Human Righst Prize 2018 hlan

Pakistan human rights activist leh lawyer Asma Jahangir-i chu a thih hnuah UN Human Rights Prize for 2018 hlan a ni a, chawimawina hi a fanu Munizae Jahangir-in a dawnsak.

UN Human Rights Prize hi mimal emaw pawl emaw, mihring dikna chanvo humhalhna leh chawikanna tura thawh hlawkte hnenah kumtinin hlan a ni ṭhin. October thla khan he chawimawina dawng tur mi pali hming chawp chhuah an ni a, Thawhlehni khan New York-a UN headquarters-ah chawimawina hi hlan an ni.

Chawimawina dawngtu dangte chu Tanzania rama women's rights activist Rebeca Gyumi, Brazilian activist Joenia Wapichana leh Ireland human rights organisation Front Line Defenders-te an ni.

A hmaa chawimawina lo hlan tawh zingah Eleanor Roosevelt, Martin Luther King, Nelson Mandela, Jimmy Carter leh Malala Yousafzai te pawh an tel.

Asma Jahangir-i hi Pakistan hmeichhe zinga UN Human Rights Prize dawng thei palina a ni. A hma hian Begum Ra'Ana Liaquat Ali Khan (1978), Benazir Bhutto (2008) leh Malala Yousufzai (2013) te chuan an lo dawng tawh a ni.