Putin-an smartphone a hmang lo

Russia parliament, Kremlin thupuangtu Dmitry Peskov chuan Russia President Vladimir Putin chuan mobile phone a nei lo a, information-te chu thil dang aṭangin a dawng mai ṭhin niin a sawi.

Rossia 24 broadcaster-in a kawmnaah Peskov chuan President Putin chungchang hi a sawi a, information a dawnna hi folder hrang hrangah siamin print chhuah a ni ṭhin tih a sawi. Hei bakah hian a computer aṭangin internet-te pawh a luh thin chu a sawi a, mahse telephone erawh chu a nei lo a ni, a ti.

Smartphone hmang chu an thiltih engkim langtlang nghal mai thei a nih avangin Russia ram president, a bikin President Putin tan chuan hman ngam chi a ni lo tih a sawi. Hei bakah hian hmun khat aṭang chauhah information hmuh leh media outlet-te chu rin nghal mai ngam chi an ni lo tih sawiin, Putin hian information a dawnte pawh a enfiah leh ziah tih a sawi bawk.