Sri Lanka PM-in a cabinet thar tur puang

Sri Lanka Prime Minister Ranil Wickremesinghe chuan a cabinet minister tur mi 29 ruatin, minister-te hi Ningani khan rinawmna thu tiamtira lakluh nghal an ni.

October 26 khan President Maithripala Sirisena chuan Wickremesinghe hi prime minister aṭanga banin a thlaktu atan Ranjan Rajapaksa a ruat a, mahse Rajapsaksa hian Parliament-ah thlawptu a ngah tawk lo a, fiahna a paltlang theih loh avangin PM aṭang hian a bang a, Wickremesinghe hi PM-ah dah let leh a ni.

Sri Lanka politics buaina vang hian Parliament chuan 2019 budget a pass thei lo a, hei vang hian sorkar khar tur venna atan Wickremesinghe hian thla thum chhungin budget a pawm a ngai dawn bawk a ni.