Russia-in US vice president, Meta CEO hrekna tichhuak

Russia chuan Ningani khan U.S. Vice President Kamala Harris leh Meta CEO Mark Zuckerberg bakah US khua leh tui mi 29, leh Canada mi 61-te hrekna a tichhuak.

US khua leh tui 29 te chu US president Joe Biden sorkarin Russia laka hrekna an siam chhanletna atan Russia "stop list" zingah telh an nih thu Russia foreign ministry chuan a sawi.

"US hruaitu, sumdawng, expert leh journalist, Russia dodal zawnga ngaihtuahna sengtute bakah high-rank official kawppui ṭhahnem tak" te chu list-ah hian telh an ni tih sawiin, Russia rama lut thei lo turin hun rei tak hren an ni dawn a ni, a ti.

Russia hian Canada sorkara defense leh media aiawh mi ṭhahnem takte chu Russia dodal zawnga hma an lak avangin "stop list"-ah hian a tel bawk. Canada mi 69 te chu Russia lut thei lo tura hrem an ni.

Foreign ministry chuan "stop list" hi United States leh Canada hmalak dan azir zela pawhsei an la tum thu an sawi.