Argentina khawpuiah loneitute'n chhiah san duh lohna lantir

Argentina khawpui Buenos Aires-ah kar liam ta Inrinni khan loneituten President Alberto Fernandez lakah lungawi lohna an lantir. Ei tur man khuakhirhna tura President Fernandez policy siam chu agricutural sector lamin an sawisel nasa hle a ni.

Argentina hi khawvela eitur thawn chhuak tam ber zinga mi niin, he sector hi an ram economy innghahna pawimawh tak a ni pha.

Lungawi lohna lantirtute hian Casa Rosada-a President chenna lam panin Argentinian flag vai chungin tractor-in kawng an zawh a ni. Buenos Aires-ah hian loneitute hian lungawi lohna hi an lantir khat hle a, a tlangpuiin thingtlang lamah an huaihawt ṭhin. Fernandez hian buh lam chi leh sa lamah khuahkhirhnate siamin, ramchhungah supply tam zawk a awm theihna atan sa lam thawn chhuah turah bituk chin a siam a ni.

Kawng zawhte hian chhiah tihhniam tura sorkar an phutna thuziakte an keng a, chhiah tihniam tura an ngenna chu punkhawmnaah hian chhiar chhuakin a hnuah media hnenah an hlan. "Ngenna ho te kan nei, min rektu hruihrual man pek zel kan tum tawh lo a ni," tiin lehkhaah hian an ziak. He punkhawmna hi pawl bilina an huaihawt a nih loh thu an sawi bawk.

President hlui conservative mi Mauricio Macri hunlai aṭang khan chhiah hi an tisang ṭan tawh a, leftist lam Fernandez-a'n thuneihna a chan hnuah pawh a la san chhunzawm zel a ni.

Buh leh vaimin thawnchhuah aṭanga chhiah an lak ṭhin chu 12% in tihsan a ni a, soy, chhangphut leh cooking oil-a chhiah lak chu 33% a tihsan an ni.

Argentina hian kum tamtak chhung chu thilman sang chak tak khuahkhirh tumin an lo bei tawh a, kum 2021 khan thil man chu 50% velah a sang chho hman a ni.