Russia-in ramri bulah Iskander-M launcher dah : Ukraine

Ukraine Armed Force-a general staff chuan Russia chuan Ukraine ramri aṭanga km 60 vel huam chhungah Iskander-M mobile battlefield missile launcher a dah tih nimin khan a sawi.

Nimin zinga thuchhuah an siamah, Ukraine Armed Forces chuan, "Belgorod region-ah kan hmelmate chuan sipai tamzawk an tir lut a ni," a ti. Information an dawn aṭangin, Iskander-M launcher pawh hi Ukraine ramri aṭanga km 60 vel lekah Russia hian a dah a ni, a ti. Mahse a awmna hmun erawh kimchang takin a sawilang lo.

Belgorod hi Russia- Belgorod bial khawpui leh inrelbawlna hmunpui a ni a, Ukraine hmarlamah a awm a ni.

Iskanker hi mobile ballistic missile system niin, NATO chuan a codenamed SS-26 Stone a vuah a, Soviet Scud missile thlaktu a ni. Guided missile pahnihte hi km 500 thleng kap thei leh nuclear ralthuam pawh phur thei an ni bawk.