UAE-in ramsa vulh a khap

United Arab Emirates (UAE) chuan ramsa te chu ranvulh anga in lama vulh khapna dan thar a siam.

Ramsa, a bikin cheetah hi UEA leh Gula ram dangah hian in lama vulh an tam hle a, khawpui laili laiahte an hruaichhuak fo ṭhin. Nikum October thla pawh khan sakei panga chu Dubai-a Burj Al-Arab Hotel bul tuipui kamah hruaichhuah an ni a, a video pawh social media lamah a darh nasa hle. Mahse dan thar siam hnuaiah hian ramsa te hi in lamah vulh khap niin, zoo, wildlife park, circus leh research centre-ahte chauh kawl phal a ni tawh ang.

Sorkar thuchhuah chuan dan siam thar palzut a, in lama keite, cheetah leh ramsa hlauhawm te khawi a, vantlang hmuna hruai chhuak ṭhinte chu thla ruk chhung lung-in tan bakah, an ram pawisa dirham 500,000 thleng chawi tir theih an ni dawn tih a tarlang.

Hei bakah hian ui vulhtute tan pawh khuahkhirhna thar siam a ni bawk. Ui vulhtute chu khawlaia an ui vulh an hruai chhuah dawnin phalna an neih a ngai a, an ui chu an thlung ngei tur a ni bawk. He dan zawm lo chu dirham 100,000 thleng chawi tir theih an ni bawk.