HRW-in Myanmar commission report a pawm lo

Human Rights Commission chuan Myanmar-a Rakhine state-a Rohingya Muslim-te chunga thil thleng chungchang chhuitu, Myanmar commission report chu a dik tawk lo niin a sawi.

Nikum October thlaa Rakhine state-a police post beih a nih hnu khan security force-te chuan beihpui an thlak zui a, Rohingya te chu an bitum ber a, an zinga mi tam tak chu beihpui thlak a nih hnu hian an tlanchhia a ni. Security force-te’n an beihnaah hian mi eng emaw zat an thi a, pawngsual, in hal sak leh innghaisak pawh a thleng nasa nia sawi a ni bawk.

Myanmar sorkar chuan sipaite chet dan nia sawi chu thu dik lo tiin a ṭang thung a, he thil thleng chungchang chhui tur hian commission a din bawk a ni. Nilaini khan commissin chuan report hmasa a tichhuak a, hetah hian Rohingya muslim-te chunga sipaite rawng taka che nia sawi chu a dik lo tih a tarlang.

Commission report chuan Rohingya-te chenna biala mosque leh sakhaw hmun pawimawhte chu khawih chhiat a ni lo a, sakhaw beh­chhana inbeihna leh civil mite thahna thleng nia sawi pawh finfiahna engmah a awm lo, a ti. Pawngsual, in hal sak leh dan loa inman tihte pawh a finfiahna a awm loh thu a tarlang bawk.

Mahse Human Rights Commission chuan commission report hi a dik lo hle niin a sawi thung. Ram dangten Rohingya mite himna ngaihtuah tura Myanmar sorkar an nawr ṭhinna lo dan nana an tih mai niin a puh.