Park-i chungthu ngaihtuah ṭan

South Korea President Park Geun-hye-i paihthlakna tur impeachment bill chu ngaihtuah ṭan a ni ta.

President Park-i hi sorkar inrelbawlna kawnga a ṭhianṭha, sorkara nihna pawimawh nei lo inrawlh tira puh a nih bakah, a ṭhianin a enkawl foundation tana private firm liante chu sum tam tham tak thawhtirah puh a ni. A thiltih avang hian eptu party te chuan vawi tam tak lungawi lohna an lo lantir tawh a ni.

Court chuan thla ruk chhungin Park-i chu president a nihna aṭanga ban hlen tur nge, a nihna a chelh chhunzawm tir zel dawn tih a rel fel dawn a ni.

National Assembly chuan thla khat liamtaa khan President Park-i paihthlakna tur ngaihtuah hi a lo remti tawh a ni.

Chief prosecutor, Kewon Seong Dong chuan Park-i chuan constitution leh criminal law palzutin, ram mipuiten a chunga rinna an nghahna chu a phatsan a ni, a ti. Hetihlai hian Park-i ukil, Lee Joong-hwan chuan president paihthlakna tur, impeachment bill chu finfiahna ṭha tawk awm loah a puh a, he bill hi media report leh president an puhna hmanga siam mai a ni, a ti.