Israel PM thu zawt nawn leh

Israel Prime Minister Benjamin Netanyahu chu eirua puhna chungchangah Ningani khan police-te’n thu an zawt nawn leh. Thawhṭanni khan police-te chuan thu an lo zawtfiah tawh bawk a ni.

PM hi sumdawng hnen aṭanga thilpek tam tham tak dawngah puh a ni. Mahse Netanyahu chuan tih dik loh engmah a neih loh thu a la sawi reng a ni. 

Kum sawmhnih liamtaa prime minister term khatna a hman zawh hnuah khan Netanyahu leh a nupui, Sara-te chuan official gift an dawn, sorkar kuta dah zui tura tih eng emaw zat chu an kawl zui nia puh a ni a, police-te criminal case siamsak turin tih mah se, a hnuah an puhna hi tihtawp a ni. Kum 2015 khan an mimal hna thawk tura contractor chhawr manah sorkar sum peah puh an ni bawk a, mahse he puhna pawh hi a hnuah tihtawp a ni leh a ni.