US VP Kamala Harris-in Covid-19 hri a kai

US vice president Kamala Harris chuan Covid-19 a kai tih White House chuan Thawhlehni khan a puang. Harris hian symptoms a neih loh bakah president Joe Biden nen tun hnaiah inhnaihna an nei lo tih a sawi nghal bawk.

Kamala Harris hian taksa lamah harsatna a nei lo a, a chennaah inkhung hrangin heta ṭang hian hna a thawk zui ang. Harris hian Centers for Disease Control and Prevention (CDC) in kaihhruaina a siam leh doctor-te thurawn ṭha taka zawm chungin, negative test result a neih hunah a hna ngai hi a thawh chhunzawm leh thei dawn a ni.

Kum 57 mi, Harris hian office a luah hma khan Moderna Covid-19 vaccine dose khatna hi a lo la tawh a, kum 2021-a lakluh an nih aṭanga hun rei lote hnuah dose hnihna hi a la leh. Nikum October thla khan booster dose hi la in kumin April 1 khan additional booster dose a la leh tawh bawk.