Cambodia-a ruihhlo do beihpui thlaknaah mi 652 man tawh

Cambodia sorkar chuan an ramah ruihhlo do beihpui a thlak a, beihpui thlak aṭanga kar khat chhungin ruihhlo zawrhnaa inhnamhnawih mi 652 man an ni tawh. Hemi rual hian ruihhlo hmang sualte enkawlna turin rehabilitation service pawh tihchak an ni bawk.

Kum thar tir aṭanga beihpui thlak a nih aṭanga ni sarih chhungin mi 652 man an ni tawh a, thubuai 261 ziah luh a ni bawk. National Police official Chhay Kim Khoeun chuan an mi mante hi ruihhlo zuartu mi 371 leh damdawi hmangsual mi 281 an nih thu a sawi.

Lt Gen Kim Khoeun chuan ruihhlo ti ṭan, vawi hnih khat lek la hmangte hnenah an theih angin zirtirna an pe mek tih a sawi a, damdawi hmangsual an man zinga mi ṭhenkhat chu court leh center-ahte thawn an nih tih a sawi bawk.

National Authority for Combating Drugs-in a tarlan danin, kum 2016 chhung khan ruihhlo kaihhnawh thubuai 4,191 ziah luh a ni a, ruihhlo zuara rinhlelh mi 9,802 man niin, ruihhlo kg 175 chuang an man bawk a ni.