Obama-a’n an chak loh chhanah mawhphurhna a nei tih a sawi

US President Barack Obama chuan, US President a nih chhunga inthlan awmah an party, Democratic Party chak loh chhanah mawhphurhna ṭhenkhat a neih thu a sawi.

ABC-a interview a neihah, Obama kawmtu George Stephanopoulos chuan Obama president chhungin Democrats chuan state leh federal inthlan neihah seat 1,000 chuang a hloh thu a sawi lang.

Obama chuan seat tam tak an hloh chungchangah mawhphurhna a neih thu a sawi a, hemi rual hian kum 2008-a an ram sum dinhmun chhia siamṭhatna kawngah hmalakna a chak tawk theih loh avaning hei hi Republican lamin state tam takah an ṭhatpui phah niin a sawi. “Kan ram economy siamṭhatna leh, hmasawn zel tura kan thawhnaah kan thawkṭha hlein ka hria” a ti.