Brazil-ah mi 50,000 dawnin hri thihpui tawh

Brazil rama hripui lengin ziaawm lam a la pan thei lo a, he hri thihpui hi 49,976 an tling tawh a ni. US tih lohah Covid-19 vanga thi tamna ber ram a ni. 

February 26 khan Brazil-ah hian Covid-19 kai hmasa ber hmuh chhuah a ni a, kar liam ta Zirtawpni khan hri kai zat hi maktaduai khat a chuang tawh a ni. Hetih lai hian expert-te chuan test neih zat a tam tawk loh avangin hri kai zat hi official report aiin an tam hle an rin thu an sawi. 

Hri leng dona kawnga a hmalak danah Brazil president Jair Bolsonaro chuan sawisel a tawk nasa hle. President hian hripui leng hi a ngai thutak tawk lo nia puh a ni a,  hri leng darh tur venna atana state sorkarten kharkhipna an kalpui pawh a sawisel fo a ni. Hri leng dona kawnga an hmalak duh dan inmil loh avangin health minister pahnihin an ban phah tawh bawk.