Brazil President hluiin inthlanah chuh leh a tum

Brazil President hlui, Luiz Inacio Lula da Silva chuan kum 2018-a an ram president thlanna neih turah chuh leh a tum thu a sawi.

Lula chuan kumin chhung hian an ram chhung hmun hrang hrangte fangkualin, a hmingchhiatna lo neih tawh leh, an party Workers Party-in sawichhiat a tawhna hrang hrangte siamṭhat a tum tih a sawi. Lula hi kum 2003-2010 chhung khan Brazil Prseident a ni.

President hlui chuan, inthlana chuh leh a tum chungchangah hian an khingpuite chuan court kaltlangin dan tum dan kawng an zawn a rin thu a sawi a, mahse President thlannaah hian mi tupawhin an chuh thei a ni, a ti.

“President Michel Temer hian chuh leh a duh pawhin a ṭha a, Foreign Minister Jose Serra-a’n chuh a duh pawhin a ṭha a, Judge Sergio Moro-a’n a duh pawhin a ṭha vek a ni. Candidate nih duh tawh phawt chuan chuh turin dikna an nei a, party zawmin an campaign mai tur a ni” tiin Lula chuan a sawi.

Brazil ramin sum lama harsatna a tawh mek chu public investment kaltlanga siamṭhat theih a nih thu a sawi a, public bank-te agriculture, sumdawnna tenau leh consumer-te sum lama ṭanpuina tura hman ṭangkai a ngai a ni, a ti.