US-in NKorea official-te hrek

United States chuan North Korea official ṭhenkhat chu mihring dikna chanvo palzutah puhin a hrek. Official hrek mek zingah hian NKorea ram hotu lu ber, Kim Jong-un-a farnu pawh a tel.

Nikum July thla khan King Jong-un chu an rama mihring dikna chanvo palzutna thlengah mawhphurtu berah puhin, US chuan sanction list-ah a lo telh tawh bawk. Tuna hrekna a siam tharah hian mimal pasarih hming tarlan a ni.

US blacklist-a telh tharah hian Mi­nistry of State Security (MSS) hotu Kim Won Honga tel a, MSS hi politics vanga tangte thu zawhfiahna a, na taka nghaisak leh tihduhdahnaah an in inrawlh a ni. Tangte hi vuak an nih bakah, chaw nghei tir an ni a, mipat hmeichhiatna lam hawia khawih an nih bakah, hmeichhe naupaite chu tihluihna hmangin an nau tihtlaktir an ni bawk, niin US Department of Treasury chuan a tarlang. Hrek zingah hian NKorea-a rorellai, Workers Party of Korea Propaganda and Agitation Department vice director Kim Yo Jong pawh a tel.