US Speaker-in Ukraine a tlawh

US House speaker Nancy Pelosi leh US Congress palaite chuan Pathianni khan Ukraine khawpui Kyiv tlawhin, Ukraine president Volodymyr Zelenskyy an hmu a, Russia nena an inbeihna kal mekah an ram chu an thlawp tlat thu a hrilh.

Pelosi hi America hruaitu, Ukraine tlawhtu zinga ranking sang ber a la ni a, "Huaisen taka zalennna in neih theihna tura in beih letna avanga lawmthu lo sawi tura rawn zin kan ni. Indona a tawp hma chuan in lamah kan ṭang zel dawn tih kan tiam a ni," tiin Pelosi chuan President Zelenskyy a hrilh a ni.

"Khawvel ram zawng zawngte tan an thuchah puang turin Kyiv kan tlawh a ni. America chu Ukraine lamah nghet takin kan ṭang zel dawn a, hnehna kan chan hma loh chuan kan awm reng ang," tiin Pelosi chuan Russia president Vladimir Putin chetdan chu ramhuai thiltih ang hiala chhalin a dem thu a sawi.

Zelenskyy pawhin a twitter-ah an ram thuneihna leh inpumkhatna venhimna kawnga a puih avangin US chunga a lawmthu sawina hi a tarlang. An thawhhona hmangin hnehna an chang ngei dawn tih a sawi bawk.