Russia sipaite'n Ukraine-a naupang 220 aia tlem lo that tawh

Russia-in Ukraine a run hnuah, Ukraine naupang 220 aia tlem lote chu an thi tawh a, 406-in hliam an tuar bawk tih Prosecutor General of Ukraine office report chuan a tarlang.

Prosecutor General Office sawi danin, Donetsk region-a naupangte chuan an tuar na ber tih a sawi bawk. Russia sipaiten bomb hmanga an beihnaah zirna in 1,584 a chhe tawh a, heng zinga 118 chu luah zui tlak lohin a chhe vek a ni, a ti.

Thawhṭannia Russia sipaiten rocket hmanga Odessa khawpui an beih ṭumin mipa naupang kum 14 mi a thi a, hmeichhe tleirawl kum 17 miin hliam a tuar. Odessa mayor Gennady Trukhanov chuan khawchhunga cheng mi nuai hnih chuangte chuan an awmna hmun an chhuahsan tawh tih a sawi bawk