Putin leh Bennett-te'n Ukraine chungchang sawidun

Russia president Vladimir Putin leh Israel prime minister Naftali Bennett-te chu Ningani khan telephone-a inbiain, Ukraine rama thil thleng mekte leh an dinhmunte an sawidun.

Ram pahnih hruaitute hian mipui harsatna tawh mek dante, Azovstal steel plant aṭanga civil mi an sawnchhuah hna thawh mek chungchangte an sawi ho tih Russia Parliament, Kremlin thuchhuah chuan a tarlang.

Russian military-te chuan him leh dam taka civil mite an chhuah theihna atan hmalak an inpeih reng tawh thu leh, Ukraine thuneitute chuan Azovstal plant-a sipai la cham bangte chuan an ralthuam dathla tura a hriattir a ṭul thu Putin chuan a sawi.