Turkey thlawhtheihna tlaah mi 32 an thi

Kyrgyzstan rama Manas airport bulah nimin zing khan Turkey cargo jet, Boeing 747 a tla a, mi 32 an thi. Thi zinga a tam zawk hi thlawhtheihna tlain chenna-in a delhchhiata awmte an ni a, pilot pali an thi tel bawk.

Official-te chuan thlawhtheihna hi Hong Kong aṭanga Istanbul pan a thlawk a nih thu an sawi a, Kyrgyztan khawpui, Bishkek aṭanga hmarlam km 25 vela hla, Manas airport-ah hian chawlh lawk a tum a ni. Mahse chhum chhah tak a zin avangin khua a hmuh ṭhat theih loh a, airport a thlen hma lawkin an ram sana zing dar 7.31-ah a tla ta niin official-te chuan an sawi.

Thlawhtheihna tla hian chenna-in 15 a delh chhia a ni. He chetsualna thlenga thi zingah hian naupang paruk an tel. Thlawhtheihna tla hi Istanbul-a hmunpui nei, Turkey cargo airline MyCaro Airlines ta a ni.