France president-in Israel leh Palestinian ram din thlawp
France Preident Francois Hollande chuan Israel leh Palestinian buaina chinfelna tur leh, Middle East himna atan Israel leh Palestinian ram din chu a pawimawh ber a ni, a ti.
France huaihawtin Paris-ah Israel-Palestinian inkar buaina chungchang ngaituahin international conference neih a ni a, he hunah hian ram 70 chuang aṭangin official leh civil society group aiawhte an tel. He huna kalte hian Israel leh Palestinian inkara inremna tluantling a awm theihna atana ram pahnihten inbiakna an neih chhunzawm leh theih dan turte an ngaihtuah ho a ni.
Hollande chuan conference-ah hian Syria leh Iraq-a indona thleng mek chungchangte a sawichhuak a, Middle East-a muanna a awm theihna turin Palestinian leh Israel aiawhte chuan midang kaltlang loa inbiakna an neih a ngai a ni, a ti. Middle East buaina kumhlun ber chinfel a nih phawt loh chuan, bial pumah boruak ṭha a awm thei dawn lo niin a sawi. Mahse he conference-ah hian Israel Prime Minister Benjamin Netanyahu leh Palestinian Authority President Mahmoud Abbas-te an tel lo.