Japan-ah bird flu hmuh vangin ar 80,000 suat

Japan rama Gifu subdivision-ah bird flu, H5 hmuh a nih avangin ar vulhna farm-a ar 80,000 chu suat an ni.

Yamataga khuaa farm-ah ar 100 chuang thia hmuh an ni a, pasarih chu enfiah tura thawn an nih hnuah, an zinga paruk chu bird flu vanga thi an ni tih hriatchhuah a nih thu thuneitute chuan an sawi.

Bird flu hmuh a nih tak avang hian kar kalta Inrinni zan aṭang khan farm-a ar vulhte hi suat ṭan nghal an ni. Tualchhung thuneitute chuan poultry farm aṭanga km 10 bial huam chhungah artui leh ar lakchhuah leh lakluh a khap nghal a, farm dangah bird flu hi a darh em tih enfiah zui mek a ni bawk. Ar suat hna thawk tur hian sipaite koh luh an ni.

Nikum Novmber thla khan H5 virus hi Niigata, Aomori, Miyazaki bial bakah, Hokkaido thliarkar hmaralamah te hmuh a ni tawh bawk.