Abbas-a’n Jerusalem-a US embassy sawn tum a duh lo

Palestinian Authority President Mahmoud Abbas chuan US President-elect Donald Trump-a’n Tel Aviv aṭanga Jerusalem-a US embassy sawn a tum chu a duh lo hle a, hei hi kaltlangpui a nih chuan ram pahnihte inkara inremna kawng zawnga hmalak mek chuan a tuar ngei dawn niin a sawi.

Mahmoud Abbas hian Pathianni khan Pope Francis a hmu a, hemi hnua Holy See-a Palestinian embassy a hawnnah he thu hi a sawi a ni. Vatican chuan kum khat leh a chanve kaltaah khan Palestinian state hi a lo pawm tawh a ni. Palestinian-te chuan East Jerusalem hi an ram khawpui atan siam an tum a, mahse Israel chuan Jerusalem khaw pum hi a ta niin a chhal thung.