EU-in pawnlam mi thurawn a mamawh lo : France President

France President Francois Hollande chuan European Union (EU) chuan a thiltih tur chungchangah pawn lam mi thurawn a mamawh lo tih a sawi.

US President-elect Do­nald Trump-an EU leh North Atlantic Treaty Organization (NATO) a sawiselna a chhan letnaah Hollande hian he thu hi a sawi a ni. “Europe chu trans-Altlantic nena thawhdunna ṭha siam turin a inpeih reng a, mahse thutlukna erawh chu a duhdan angin a siam dawn a ni”, a ti.

Trump chuan EU hmalam hun chu a khirh chho hle dawn niin a lo sawi tawh a, ram hrang hrangte chu raltlante lalut tura nawr luih ni lo se chuan EU aṭanga Britain inlak hran tum pawh chu a thleng kher lo ang tiin a sawi. Trump chuan NATO pawh sawiselin, firfiaka chetna thlengte a dan zawh loh avang­in a hman tlak tawh lo a ni a ti a, member tam takin an sum thawh tur ang an pek duh loh avangin sum thawh hnem ber, US tan a lawmawm lo hle niin a sawi bawk.