Yemen tualchhung buaina vanga thi 10,000 chuang tawh
United Nations humanitarin aid official chuan Yemen rama tualchhung buaina thleng vangin kum hnih chhungin civil mi 10,000 chuang an thi tawh a, mi 40,000 in hliam an tuar bawk niin a sawi.
Office for the Coordination of Humanitarian Affairs hotu Jamie McGoldrick chuan thi leh hliam tuar zat hi health facility hrang hranga an chhinchhiah an lakkhawm a ni tih a sawi. McGoldrick chuan mi maktaduai 10 te chu humhim leh ṭanpui ngaiin an awm tih a tarlang bawk.
Yemen ramah hian sorkar laka hel, Houthi helpawl te lakah Saudi Arabia kaihhruai Arabṭangrual ramte chuan kum 2015, March thla aṭang khan beihpui an thlak a ni. Houthi helte hian an ram khawpui, Sanaa-a sorkar hmun pawimawhte lain an thununna hnuaiah an dah a, President Abd-Rabbu Mansour Hadi chu chhim lam khawpui, Aden-ah tlanchhiain, he hmunah hian sorkar hmunpui pawh an sawn zui a ni.