Sinai-a firfiakte nena inbeihnaah Egypt sipai 11 thi

Sinai thlang lamah Egypt sipaite leh firfiakte chu Inrinni liam ta khan an inbei a, Egypt sipai 11 lai an thi niin Egypt sipaite chuan thuchhuah an siamah an tarlang.

Sipaite chuan tui pump-na station-ah an inbei tih sawiin an sipai thi zinga pakhat chu officer a nih thu leh firfiakte zawn beihpui an thlak chhunzawm thu an sawi bawk. Sipai thuchhuah siamah hian an inkahna hmun tak hi tarlan ni lo mah se Al-Ahram news website chuan East Canal Water Lifting Station-ah a nih thu an tarlang a ni.

Egypt hian kum eng emaw zat chu Sinai Peninsula-ah hian firfiak lakah beihpui an thlak tawh a ni. Inrinnia an ram sipaite nena inbei hi eng firfiak pawl nge tih an tarlang chiah loa, mahse Sinai leh a chhehvela firfiak awmte hi Islamic State group nena inthlunzawm an ni tlangpui.