Istanbul-ah IS nia rinhlelh 10 hreng
Turkey police-te chuan nimin khan ramdang mi 10-te chu Istanbul-ah Islamic State (IS) firfiak pawl mi nia an rinhleh avangin an hreng.
Istanbul Police Department-a Counter-Terrorism Unit team-te chuan an mi rinhlehte man tur hian khawpui chhung hmun 14 lai an dap a ni. Counter-Terrorism Unit team-te hian an thudawn bawhzuiin beihpui hi an thlak niin state news agency Anadolu chuan a tarlang a, an mi mante hian social media-ah IS pawl chungchang hi an tarlang tih an sawi.
An mi mante kut aṭang hian blanked cartridge pistol leh inbiak pawhna hmanrua eng emaw zat an man tel bawk. Police-te hian tun hnaiah Istanbul-ah hian IS nia rinhleh dap beihpui an thlak nasa hle a, kar hmasa pawh khan mi 17 lai manin heng zinga pakua hi ramdang mi an ni nghe nghe. Turkey-ah hian tunhnaia an ramchhunga inbeihna hrang hrang thleng, mi 300 vel lai thih tawhnaa mawhphurtuah IS hi a puh a ni.