Fatah leh Hamas-te’n sorkar inṭawm siam remti

Palestinian pawl pa­hnih, Fatah leh Hamas-te chuan sorkar inṭawm siam an remti thei ta.

Moscow-ah pawl pahnih aiawhte hi ni thum zet an inbiak hnuah, Palestinian-a sorkar inṭawm din a nih theihnan a National Council din an remti thei ta a ni. Thawhlehni zan khan inremna hi an ziak a, National Council hian ram danga Palestinian mi tlanchhiate pawh a huam tel dawn a ni. Russia khawpuia inbiakna neihah hian Fatah leh Hamas aiawhte bakah, Palestinian political party dang aiawhte pawh an tel.

Palestinian President Mahmoud Abbas-a kaih­hruai Fatah leh Hamas-te hi kum 2007-a Hamas-te’n Gaza Strip an thunun aṭang khan an inkar boruak a chhe tawh a ni. Fatah hian West Bank-ah ro relin, Hamas hian Gaza Strip hi an awp thung. Nikum khan Palestinian sorkar chuan kum 10 hnua municipal inthlan hmasa ber neih tur chu a lo sawn hla tawh bawk.

Palestinian-te’n Hamas leh Fatah tela inthlan an neihna hnuhnung ber chu kum 2006 daih kha a ni tawh a ni.