US Defence budget tihpun rawt

US Senate-a Armed Services Committee chairman, John McCain chuan kum 2018 atan defence budget chu dollar tluklehdingawn 54-a tipung turin a rawt a, hei hi pawm a nih chuan defence budget atan hian dollar tluklehdingawn 700 dah a ni ang.

US President kalchhuak tur, Barack Obama kaihhruai sorkar chuan defence budget atan hian dollar tld 640 a lo ruahman tawh a, mahse hei hi John McCain chuan tihpun a rawt a ni.

McCain-a’n rawtna a siamah hian Army leh Marine Corps-a sipai tam zawk lak te, Navy tana lawng tam zawk lei leh Air Force tana thlawhtheihna tam zawk leinate a tel. Kum nga chhungin project kalpuina turin dollar tluklehdingawn 430 belh chhoh a ni ang a, kum 2022-ah chuan defence budget hi dollar tld 800 a tling chho dwn a ni.

Navy lawnglian neih zat 274 chu kum 2022-ah 355-ah tihpun tum a nih thu sawiin, McCain chuan sipai pawh kumtin 3,000 zel lakbelh a, kum 2022-ah sipai 200,000 tling tura ruahman a ni, a ti. Marines tan F-35 fightr jet 20 leh Air Force tan thlawhtheihna 70 lei belh a rawt bawk.