Vur tawlhin Italy-a hotel a chhilh, mi 30 an thi
Italy ramah nimin khan lir-nghing vanga vur tawlhin Hotel Rigopiano a chhilh a, mi 30 an thi nia hriat a ni.
Italy Civil Protection agency chuan Grans Sasso tlanga ski hotel, Hotel Rigopioano hi lirnghing vanga vur tawlhin meter hnih vel zeta chhahin a chhilh niin a sawi. He vanduaina thlen lai hian hotel-ah thawktu leh mikhual 30 vel an awm nia hriat a ni a, chhanchhuah hnathawktute tirh nghal an ni. Building chhungah nungdama awm hmuh a ni lo a, ruang zawn leh lakchhuah hna thawh mek a ni.
Hotel hi nikum August thlaa lirnghing na takin a sawi, Amatrice khua aṭanga km 90 vela hlaa awm a ni. Amatrice khuaa lirnghing vang hian mi 300 dawn an thi a ni.
Nilaini khan Italy ramah hian ṭum li lir a nghing a, hei vang hian thuneitute pawhin meter 2,912-a sang, Gran Sasso tlangah hian vur tawlh a hlauhthawnawm thu sawiin warning pawh an tichhuak a ni.