Tang ngaihdam tumna duh loin Romania-ah kawng zawh

Romania sorkarin mi tang ngaihdam leh an hremna tinep sak a tumna chu duh loin, an ram khawpui Bucharest-ah mi tam takin kawng an zawh.

Mipui lungawi lote chuan sorkar ruahmanna chuan an rama eirukna leh hlemhletna doletna kawnga hmalakna thlengin a nghawng thei dawn niin an sawi. Kawng zawhnaah hian thil tisualte chu jail-a tantir an ni reng tur a ni tih thu ziakte pawh an keng.

Romania sorkar thar chuan an rama criminal code chu siamṭhat a ngai niin a sawi a, hei bakah hian tang ngaihdamna kalpui hian an ram chhunga jail hrang hrang tawt lutuk pawh a tihziaawm phah dawn niin a sawi. Prime Minister Sorin Grindeanu chuan he ruahmanna hi emergency ordinance kaltlanga hman a duh a, hei hi parliament-ah pass-in, president signature lak kher a ngai dawn lo a ni. Hetih lai hian Presidetn Klaus Iohannis chuan minister-te chu emergency decree hmanga cirminal code siamṭhat tum lo turin a ngen.

Criminal code hi siamṭhat a nih chuan jail-a tang mek zinga kum 60 chung lam, naupai lai leh fate nena tangte chu an tan hun a chanve-a pawhtawi sak an ni dawn a ni.