Bin Laden-a document tlangzarh

Central Intelligence Agency (CIA) chuan al-Qaida firfiak pawl hotu hlui, Osama bin Laden-a document ṭhenkhat chu Ningani khan a tlangzarh leh. Heng document-te hi kum 2011-a Navy Seals-ten Pakistan-a bin Laden-a chenna in an beih ṭuma an hmuh a ni.

Docoment tihchhuah hi kum 2010 vela mi nia hriat a ni a, ṭhenkhat chu bin Laden-a ziah niin, ama tana midangin an ziahsakte pawh a awm bawk. Heng document-ah hian al-Qaida hotu hian US chu an hmelma lian ber a ni tih an pawl chuan vawng reng se a duh thute a tarlang. A fapate hnenah an hnu chhuina atan ectronic chip-te hman a nih mai theih thu leh, fimkhur tura a duh thute pawh a sawi. Islamic State (IS) firfiak pawl chetdan dawhthei lo tak te, tharum an thawh dan te, al-Qaida dinhmun tlahniam zel vanga a lawm loh thute pawh a ziaklang a ni.