France president hlui eiruk thubuai ngaihtuah

French president hlui Nicolas Sarkozy chu Thawhṭanni khan eirukna leh thil dik lo tia puhna chungchanga a thubuai chu Paris court-ah ngaihtuah a ni.

Kum 65 mi Sarkozy hi kum 2007-a France president thlanna neih tura a campaign-naah khan dan loin Libya hruaitu thi ta, Muammar Gaddafi hnen aṭangin campaign-na tur sum a dawng nia puh a ni. Hei bakah hian a chungchang an chhui dan chanchin hi hrilh zel turin magistrate Gilbert Azibert chu a tham a, a lawmman atan Monaco-ah hna ṭha tak pek a tiam nia puh a ni bawk.

Paris court-ah Sarkozy leh a lawyer Thiery Herzog leh magistrate Gilbert Azibert-te hi an inlan a, thiam loh chantir an nih chuan dollar maktaduai 1.2 chawitir bakah, kum 10 thleng lungin tantir theih an ni ang. Mahse Sarkozy leh Azibert-te chuan thil dik lo tih an nei lo tih an sawi thung.