Myanmar-in hun pe turin a ngen

Myanmar deputy defence chief, Rear Admiral Myint Nwe chuan, khawvel ramdang ten Rohingya Muslim chung­changa an buaina chingfel tura an ram sorkar an nawr chungchangah, khawvel ram dangte chu hun pe turin a ngen.

Singapore-a security forum-a thu a sawiah, Myint Nwe chuan Rohingya-te chenna, Rakhine state-a buaina thleng chungchang chu sorkar chuan hriain a ngaihven reng a, buaina chinfel dan ngaihtuahin, thil tisualtute pawh hrem ngei an ni dawn a ni, a ti. Nikum October thlaah helhoin police border post an beih hnu khan sipaite chuan Rakhine state-ah hian pawikhawihtute dapchhuah tumin beihpui an thlak a ni. Sipaite hi Rohingya mite chunga rawng taka chea puhin, pawngsual, thah leh nghaisak an tawk nasa nia sawi a ni a, hei vang hian Rohingya 66,000 chu Bangladesh ramah an tlanchhe tawh a ni.