Brexit hi Europe inpumkhatna siamtu tur a ni : EU

European Union Parliament hotu, Guy Verhofstadt chuan Britain-in EU chhuahsan a tum chu EU ramten inpumkhatna ṭha zawk an siamna tur hun remchang ṭha tak a ni, a ti.

Belgium PM hlui Verhofstadt chuan Brexit hi EU ramten inpumkhatna ṭha zawk an siamna tur te, Britain nena thawhdunna thar an siamna hun remchang ṭha a nih bakah, Europe-a sorkar ṭha leh nghet dinna tur siamna hun remchang a ni, a ti. EU chuan a member dang ramte nena an inthlunzawmna chat venna atana insiamṭhatna atan a hman a ngai a ni, a ti. 

Nikum June thlaa Britain mipuite vote lakah, 52% in EU aṭanga inlakhran hi an duh a ni. Kumin January 17 khan PM Theresa May chuan Britain-in EU a chhuahsan rual hian EU single market pawh a chhuahsan dawn tih a sawi a, kumin March thla aṭangin hemi chungchang hi buaipui ṭan a duh thu a sawi.