Manipur Congress Hruaitu thenkhat ten party chhuahsan

Manipur Congress vice-president leh MLA pahnihte chuan Thawhṭanni khan party an chhuahsan ve leh.

MLA Nemcha Kipgen leh Vung­zagin Valte-te chuan Thawhṭanni khan state party President TN Haokip hnenah leh, assembly Speaker Th Lokeshwor-te hnenah banna hi an thehlut a, party-a nihna an chelhte kalsanin, party an chhuahsan tih an sawi. Manipur Pradesh Congress Committee (MPCC) Vice-president S Achouba chuan party member a nihna hlip a, Congress a chhuahsan thu a sawi ve bawk. Manipur sorkarin district thar pasarih a din duh loa Naga organisation United Naga Council (UNC)-te'n tiamchin awm loa National Hoghway an danchah hnu khan Congress party hruaitu lawk - N Biren, Y Erabot leh Francis Ngajokpa-te chuan party an lo chhuahsan tawh bawk a, an vai hian BJP an zawm a ni.

Minister leh MLA ṭhenkhat ten party chhuahsan mah se, Manipur Assem­bly seat 60 awmah rorellai Cong­ress party chuan seat 45 a la nei phak a ni.