US-ah reporter 6 thubuai siamsak

US President atana Donald Trump lakluh a nih ṭuma President lakluh aia Trump duh lohna lantira nawrh huaihawtte chungchang zawk ziaktu, journalist paruk-te chu Washington DC police-te’n thubuai an siamsak.

Journalist-te hi thiam loh chantir an nih chuan kum 10 chhung lung-in tantir an nih dawn bakah, dollar 25,000 thleng chawitir theih an ni ang. Kar kalta Inrinni khan court-ah hruai an ni a, February leh March thlaah an chungthu ngaihtuah leh tura tih an nih hnuah, chhuah an ni. Kar kalta Zirtawpni-a President thar lakluh laia duh lohna lantira Washington-a buaina siamtu zinga mi 200 chuang chu man an ni bawk.