Pentagon hotu tharin Japan leh SKorea tlawh dawn

US Defence Secretary thar James Mattis chuan kar leh khian Japan leh South Korea a tlawh dawn a, office a luah hnua ram pawn lama a zinchhuahna hmasa ber tur a ni.

February 1-ah Mattis hian South Korea panin, South Korea Defence Minister Han Min Koo leh senior official dangte a hmu ang. February 3-ah Tokyo pan lehin, Japan minister Tomoni Inada a hmu ang.

Pentagon chuan thuchhuah siamin, Mattis-a’n Japan leh SKorea a tlawh tur hian US-in heng ram pahnihten nena an thawhdunna a dah pawimawhzia lantirna a nih thu leh, security lama thawhdunna lian leh nghet zawk siamna tur a nih thu a tarlang.