Pakistan-a firfiakte pawikhawihna thlenah Kum 2019 chhungin mi 518 an thi

Kum 2019 chhung khan Pakistan-ah firfiakte'n pawi­khawihna ṭum 370 an thlen a, mi 518-in an thih phah bawk tih Center for Research and Security Studies (CRSS) chuan a tarlang.

Firfiakte pawikhawihna thlengah hian drone hmanga inbeihna a thleng lo nia tarlan a ni. Nikum chhung khan firfiak mi 141 man an ni a, chung zinga 24-te chu Jaish-e-Muhammad (JeM) firfiak an ni tih leh, mi pahnih chu Jamat-ud-Dawa (JuD) firfiak pawl an nih thu tarlan a ni. 

Heng pawl bakah hian Tehrik-e-Taliban Pakistan (TTP) firfiak 32, Lashkar-e-Jhangvi 11, al-Qae­da pathum, Islamic State (IS) pali, Balochistan Liberation Army pahnih leh Baloch Republican Army panga-te man an nih thu tarlan a ni bawk. 

Nikum chhunga thi zat hi kum hmasa (2018) nena khaikhin chuan 221-in an tlem zawka, 30%-in thi zat hi an tlem zawk a ni. 2018 khan firfiakte'n pawikhawina ṭum 400 thlenin, mi 739 an thi. 

Pakistan-a Balochistan khuaah hian firfiakte hian pawikhawihna an thlen hnem ber a ni.

Thihchilh bomb hmanga firfiakte pawikhawihna hi 2018 khan vawi 26 a thlenga, nikum khan vawi 9 a thleng thung.