Chile-ah khaw pakhat kangral

Chile rama ramkang thleng mek chuan thingtlang khaw pakhat, Satan Olga khua a kangral vek.

Chile khawpui aṭanga chhim lam, mel 220 vela hlaa awm, Santa Olga khua hi kangmei hian manin khaw chhunga chenna in 1,000 leh building dang awmte chu a kangral vek a ni. Ruang pakhat hmuh a ni a, midangte erawh chu an him nia hriat a ni. He khuaah hian mi 6,000 vel an cheng a ni. Kangṭhelhtu pakhat chu tui phurtu truck letin a delh avangin a thi bawk.

Ramkang hian ramngaw acre 385,000 vela zau a kangchhe tawh a, thli na tak a tleh tel avang te, khaw lum leh khaw ro lutuk avang tein kangmei hi a darh chak hle. Kang ṭhelh hna hi emergency service chun hun rei tak an thawk tawh a, kangthelhtu mi sang telin lei lamah leh, helicopter hmang tein an ṭhelh mek a ni.