Egypt-in Gaza ramri hawng
Egypt sorkar chuan Gaza Strip nena an inrina chu kumin atana a vawikhatna turin, kar kalta Inrinni khan a hawng a, ni thum chhung hawn a ni ang.
Ramri hawn ni hian Gaza aṭanga Egypt luh tum mi tam tak chu ramriah hian an lo awm lawk a ni. Thuneitute chuan ramri hawn chhunga Egypt rama kal tum inziaklut chu mi 16,000 an tling niin an sawi. Ramri hawn chhung hian Palestinian official, zirlai, damlo leh ramdang mi awmte chu an kaltlang phalsak an ni ang.
Kum 2013-a sipai chakna hmanga Egypt president a nihna aṭanga Mohamed Morsi paihthlak a nih hnu khan, Gaza ramri hi khar chhunzawm reng a ni. He hmun Israel thuneihna in a huam loh china Gaza-in ramdang a kalpawh theihna kawng awmchhun a ni.