Trump leh Putin-te’n inzawmna ṭha siam duh

US President thar Donald Trump leh Russia President Vladimir Putin-te chu kar kalta Inrinni khan telephone-a inbiain, US leh Russia chuan inzawmna ṭha tak neih an duh thu an sawi.

Ram hruaitu pahnihte hi darkar khat chuang an inbia a, White House chuan hei hi ram pahnihte inlaichinna siamṭhatna tura bul ṭanna pawimawh tak a ni, a ti. Trump leh Putin hian Islamic State (IS) firfiak pawl leh, Syria rama firfiak pawl dante beih letna kawngah thawhdun an remti a ni.

Syria ram dinhmun bakah, Arab leh Israel inkar buaina, Iran nuclear deal, Ukraine tualchhung buaina leh nuclear non-proliferation chungchang pawh hruaitu pahnihte hian an sawidun bawk. Inbiak tawn fo leh, meeting neih dun thuai pawh an remti bawk.