Canada-a mosque beihnaah mi panga thi

Canada rama Quebec City-ah Pathianni tlai khan, mosque-a tlai lam ṭawngṭaina hun hman laiin silai keng mi pahnihin an pawng kah a, mi panga an thi a, mi dang eng emaw zatin hliam an tuar.

Quebec City Islamic Cultural Center beih a nih lai hian ṭawngṭai hun hmangin mi 40 vel an awm nia sawi a ni. Police-te chuan he pawikhawihtu nia hriat mi pahnihte an man tawh. He mosque hi kum 2016 Ramadan thla khan beih a lo ni tawh a, mosque luhna turah vawk thi lu dah a ni.

Canada Prime Minister Justin Trudeau chuan mosque beih a ni chu a dem thu sawiin, he pawikhawihna thleng vanga thi leh an chhungte chu Canada mipuite chuan an tawrhpui takzet a ni, a ti. PM Trudeau chuan firfiak thiltih a ni tiin, Muslim-Canadian te chu an ram tana mi paiwmawh tak an ni tih a sawi.

Quebec Premier, Philippe Couillard pawhin tharum thawhna thleng do let tur an ṭanrual a ngaih thu a sawi a, Quebec-a Muslim-te chu a tawrhpui thu sawiin, Quebec khua chuan he pawikhawihna rapthlak tak hi a dem thu a sawi ve bawk.