Myanmar ukil lar kaphlum

Myanmar rama ukil lar leh rorellai, National League for Democracy (NLD) party adviser, Ko Ni chu Pathianni khan Yangon airport-ah kahhlum a ni.

Ko Ni hi kum 1988-a zirlaiten sipai sorkar laka lungawi lohna an lantir ṭum pawh khan a tel a, hei vang hian man a ni. Tan-in aṭanga chhuah a nih hnuah NLD adviser-ah hian a awm zui a ni. Pathianni khan airport-ah a tupa a pawm laiin kahhlum a ni a, taxi driver pawh kahhlum tel a ni bawk. Police-te chuan tualthattu nia rinhlelh mi pakhat an man tawh.

Buddhist ram, Myanmar-a Muslim mi langsar tlemte zingah Ko Ni hi a tel. A fanu Yin New Khine chuan a pa hian an ram politics-a sipaite an la inrawlh chungchang a sawisel ṭhin avang­in vau a tawk fo niin a sawi. An sakhua a dan avangin mi tam takin an haw bawk a, mahse hei hi an thah chhan a nih a rin loh thu a sawi nghal bawk.