Nigeria doctor-ten nawrh titawp
Covid-19 laka invenna tur hmanrua, protective gear hman tur an indaihkhawp loh avangin, Nigeria doctor-te chuan nawrh an huaihawt a, sorkarin an thil phutte tihhlawhtlinsak a tiam hnuah nimin zing khan nawrh an titawp.
Nigeria-a doctor nuarte hi National Association of Resident Doctors (Nard) an ni a, he association-a doctor awm hi Nigeria-a doctor awm zawng zawng zinga 40% vel an ni.
Nard chuan nawrh an huaihawt hnuah damdawiin ṭhenkhatah chuan protective gear hi pek an ni tawh a, sorkar pawhin pek belh a tiam tih an sawi. Hei bakah hian resident doctor-te hamṭhatna tur ngaihtuaha an ngenna pawh sorkar chuan ngaihtuah a remtih thu an sawi bawk.