Bangladesh-in International flight service chhunzawm

Hripui leng vanga thla thum chhung international flight a chawlh tir hnuah, Bangladesh chuan Pathianni aṭang khan a thlawh tir leh ṭan ta. 

Pathianni khan thla thum hnua a hmasa ber atan Biman Bangladesh Airlines chuan BG001 787-8 Dreamliner aircraft chu Hazrat Shahjalal International Airport aṭangin London panin a thlawh tir a, khualzin 187 a phur a ni. 

Dhaka aṭanga London pana thlawkte hi  Covid-19 kai lo vek an nih avangin health certificate an lak kher a ngai lo tih Air Vice Marshal M Mafidur Rahman chuan a sawi a, mahse  International Civil Aviation Organization guideline siam angin health declaration form erawh an fill-up a ngai thung. 

Biman Bangladesh Airlines hian kar khat chhung vawi khat, Pa­thian­niah chauh a la ser­vice dawn a ni.