Myanmar-a Rakhine state-ah kum hnih Internet service tihtawp sak ni tawh

Myanmar ram hmar thlang lam, Rakhine state-a tualchhung buaina chhuak vanga internet tihtawp sak chu kum khat a tling tawh a, khawvela internet shutdown rei ber a nih thu Human Rights Watch (HRW) chuan an sawi. 

Rakhine state-ah hian nikum January thla ṭang khan sipai leh helpawl, Arakan Army te inbeihna a thleng a,  boruak a la ṭha thei lo a ni. Tualchhunga inbeihna thleng vang hian sorkar chuan nikum June 21 khan Rakhine state leh a 

ṭhenawm Chin state-ah mobile data a tihtawp sak a, tun thlengin a la tinung leh lo a ni. 

HRW chuan sorkar hnenah internet shutdown chu chhunzawm tawh lo tura ngenin, khawvela hripui leng mek karah mipuiten an himna turin information an hmuh te a ngai tih a sawi. Hetih lai hian tun thla tir lam khan sorkar chuan internet shutdown hi August 1 thlengin state chhunga khawpui lian zualah chuan kalpui a la ni dawn tih a lo sawi tawh a ni.